"Бастауыш сыныптарда оқыту" құзыреттілігі бойынша "Worldskills Kazakhstan – 2021" өңірлік чемпионаты»

«WORLDSKILLS KAZAKHSTAN – 2021» аймақтық кезеңінің жеңімпаздары анықталуда!

 2021 жылдың 5-7  cәуір аралығында Ақмола облысының техникалық және кәсіптік, орта білімнен кейінгі білім беру ұйымдарының студенттері мен түлектері арасында «Бастауыш сыныптарды оқыту» құзіреттілігі бойынша өткізілген «Worldskills Kazakhstan – 2021» аймақтық чемпионаты өз мәресіне жетті. 5 модуль бойынша сынға түскен қатысушылар сайысқа жоғары дайындықпен келгендігін байқатты.

 Ұлттық чемпионаттың аймақтық кезеңіне аталған құзіреттілік бойынша 5 үміткер қатысып, бақ сынады. Нәтижесінде, барлық кезең бойынша өз шеберлігін танытып, оқ бойы алда болған Ж.Мусин атындағы Көкшетау жоғары қазақ педагогикалық колледжінің студенті Дондық Құндыз Мұратқызы І орын, «Арна» Көкшетау жоғары колледжінің студенті Терещенко Мария Викторовна жүлделі ІІ орын иеленді. Көкшетау қаласындағы Азаматтық қорғаныс жоғары көпсалалы колледжінің студенті Хавдалгалам Батиза, Жоғары қазақ гуманитарлық-техникалық колледжінің студенті Бортникова Анжелика Олеговна, «Мақсат» колледж» мекемесінің студенті Панкеева Яна Александровнаға шеберлік чемпионатындағы көрсеткен өнерлері үшін  Алғыс жарияланды.

 Жетекшілері Алғыс хаттармен марапатталды.
Аймақтық кезең жеңімпазы «Worldskills Kazakhstan – 2021» республикалық чемпионатында облысымыздың намысын қорғайтын болады.