Флешмобқа қатысу

22 наурыз күні колледждің жас жігіттері қалалық алаңда өткен ауқымды флешмобқа қатысты

Іс-шара мыңдаған ер азаматтың басын қосып, Наурыз мерекесінің жарқын бөлігіне айналды. Қатысушылар ұлттық киім — шапан мен дәстүрлі бас киімдер киіп, қазақ халқының мәдени мұрасының әсемдігі мен байлығын көрсетті.

Бұл флешмоб Қазақстан рекордтар кітабына ұсыныс ретінде жолданып, ұлттық дәстүрлерді дәріптеуге бағытталды. Жоба Президент Қасым-Жомарт Тоқаевтың ұлттық стильді дамыту жөніндегі бастамасын қолдау аясында жүзеге асырылуда.

Колледж намысын абыроймен қорғап, мәдениетті сақтауға өз үлестерін қосқан студенттерімізді мақтан тұтамыз!