"Күз аруы мен мырзасы - 2023"

13.11.2023

09.11 күні Көкшетау "Арна" жоғары колледжінде "Күз аруы мен мырзасы - 2023" байқауы өтті. Шығармашылық шараға 1 курс студенттері қатысты. Байқауға қатысушылар өздерінің барлық таланттары мен қабілеттерін ашып, шығармашылық қойылымдар дайындап көрсетті, «Визиттік карта» байқауында өздері және бойындағы таланттары туралы әңгімеледі, жарқын костюмдер мен күзгі гүл шоқтарын дайындады. Байқауға жалпы 8 жұп қатысып, өздерінің толғаныстарын жеңіп, даралығымен көрермендерді қуантты. Залда жақсы көңіл-күй мен жағымды эмоцияларға толы жылы атмосфера орнады. Байқау қорытындысы бойынша қазылар алқасы «Мисс және Мистер Күз 2023» атанған ең үздік жұпты таңдады:

Абдреимов Дәулет Жырғаубекқызы Айсұлу

Қалған қатысушылар түрлі номинациялар бойынша жеңімпаз атанғаны үшін дипломдармен марапатталды. Барлық қатысушылар тәтті сыйлықтарға ие болды.