Экскурсия

ЭС-12 тобының студенттері 110/10 кВ “Глубокий Ввод” қосалқы станциясына және КПСЗ кәсіпорнына экскурсияға қатысты. Экскурсияның мақсаты — болашақ мамандарды энергетикалық нысандардың жұмысы мен қазіргі заманғы электр энергетикасында қолданылатын жабдықтармен таныстыру болды.
Сапар барысында студенттер қосалқы станцияның негізгі жұмыс принциптерімен, трансформаторлардың қызметімен, сондай-ақ қорғаныс және басқару жүйелерімен танысты. Кәсіпорын өкілдері электр энергиясын сенімді жеткізу мен таратуды қамтамасыз ететін технологиялық үдерістер туралы кеңінен баяндап берді.
КПСЗ-ға бару барысында студенттер электр жабдықтарын жобалау және өндіру үдерістерін өз көздерімен көріп, мамандарға көкейлеріндегі сұрақтарын қойды.

Бұл экскурсия студенттердің кәсіби бағдарлануында маңызды кезеңге айналып, оқу барысында алған теориялық білімдерін тәжірибеде бекітуге септігін тигізді.